Eldre fortente kunstnarar
Stipend for eldre fortente kunstnarar skal vere ei påskjønning for mangeårig og verdifull innsats.
Kven kan motta stipendet?
Kunstnaren skal normalt vere over 60 år, men unntak kan gjerast.
Kunstnaren kan ikkje ha fast løna arbeid eller vere i ei anna fast, statleg stipendordning eller ha garantiinntekt.
Stipend for eldre fortente kunstnarar blir tildelt etter forslag frå ei gruppe, foreining eller ein organisasjon som har god kjennskap til verksemda til kunstnaren. Ein kunstnar kan òg sjølv fremje kandidaturet sitt gjennom ein kunstnarorganisasjon.
Beløp: Kr 20 000 pr år.
Utbetaling: Stipendet blir utbetalt i halvårlege ratar, og det blir trekt skatt av det. Stipendet varer livet ut, med mindre kunstnaren sjølv seier det frå seg.
Sist oppdatert 07.08.09