Arbeidsstipend for yngre/nyetablerte kunstnarar kan tildelast for ein periode frå eitt inntil tre år. Stipendet skal gje yngre kunstnarar i etableringsfasen høve til å utvikle seg kunstnarleg og betre sjansane deira til å leve av virket som kunstnar.
Kven kan få stipendet?
Kunstnarar kan søkje om stipend til og med det året dei fyller 35 år. Det kan gjerast unntak frå alderskravet i særskilte tilfelle. Søkjarar må vere i ein etableringsfase som kunstnar.
Beløp: 190 000 kroner pr. år i 2011.
Utbetaling: Stipendet blir utbetalt i månadlege ratar og er å rekne som skattepliktig arbeidsinntekt.
Antal stipend: 167.
Kor mange stipend har dei ulike kunstnargruppene?
Fordeling av stipendmidla mellom kunstnargruppene - kvotefordelinga - blir avgjort av Kulturdepartementet.
Klikk her for kvotefordelinga 2011.
Rapportering
Stipendiatar må sende inn rapport som gjer greie for bruken av stipendet ein gong i året. Dersom du mottek stipend neste år òg, skal du sende inn årsrapport innan 15. oktober. Dersom du avsluttar stipendperioden i år, er rapportfristen 31. mars neste år. Rapportskjema blir sendt ut til stipendiatane i forkant av rapporteringsfristen.
Rapportskjema finner du også her.
Andre arbeidsforhold
Arbeidsstipendiatar kan ha inntil 50 % stilling i varig arbeidsforhold ved sida av arbeidsstipendet.
Dersom du har meir enn 50 % stilling når du blir tildelt stipend i slutten av mars månad, har du frist på deg til 31. august med å redusere stillingsprosenten.
Permisjon frå stipendet?
Ved fødsel eller adopsjon, maksimalt 52 veker:
Kontakt Statens kunstnarstipend seinast 7 veker før permisjonsstart. Stipendet blir stogga og forskyvd tilsvarande permisjonsperioden. Du må sjølv søkje NAV om trygdeytingar.
Ved sjukdom (sjukmeld meir enn 50 % i over ein månad):
Send inn sjukmeldingsskjema til Statens kunstnarstipend. Stipendet blir stogga og forskyvd tilsvarande sjukmeldingsperioden minus arbeidsgjevarperioden (dei første 16 dagane av ein sjukmeldingsperiode). Du må sjølv søkje NAV om trygdeytingar.
I andre, spesielle tilfelle kan ein søkje om permisjon. Søknaden skal sendast til Statens kunstnarstipend.
Fleire opplysningar i Forskrift om statens stipend og garantiinntekter for kunstnarar eller ved å kontakte Statens kunstnarstipend.
Sist oppdatert 20.06.11